Aurten ate irekiak urtarrilaren 27an egingo ditugu. Antolamendu egoki bat izate arren, etapaka (adinka) antolatuko gara. Hori dela eta honako taldekatzeak egingo ditugu:
DBH (12-16 URTE): 17:00etan
Haurreskola, HH eta LH (0-12 URTE): 17:30etan.
Lehenik, gure Ikastolaren nondik norakoak azalduko ditu zuzendaritza taldeak eta jarraian, irakasleek instalazioak eta eskolako funtzionamendua azalduko digute.
Informazioa euskara hutsean helaraziko dizuegu baina behar izanez gero, bertan izango duzue itzultzaile bat laguntzeko.
Aurrematrikula egiteko epea otsailaren 13tik 24ra izango da.
Gure gertakari berriei lotuta web orria ere berritzea erabaki dugu. Gure ikasle eta familientzako erabilgarriagoa izango delakoan gaude baita denontzako erakargarri eta modernoagoa ere.
Aratz-eko irudi eguneratuta islatu nahi dugu, garena ikustaraziz, aurrera daramagun metodologia eta lan egiteko modua erakutsiz.
Gauza asko web orri baten bitartez helaraztea zaila den arren asko saiatu gara bai eskolaren aldetik baita web-aren egileen aldetik ere. Aipatzeko gure ikasleen parte hartzea; argazki saioak zoragarriak izan dira, baita egunerokotasunean web orri hau betetzeko ematen digutena ere.
